Ինքնագիր 9֊ի խմբագրականում` «Ինքնիշխան բլբլոց» ասվում է՝ «….Միայն մեկ ճշմարտություն և լեզու՝ հեղափոխության սև-սպիտակ օրենքը։ Գիտե՞ս այդ լեզուն, կարող ես խոսել, չգիտե՞ս՝ համր ես։ Բլբլերենը լուրջ չի համարվում, հարգի չէ, արագ չի խոսում, ակնկալելի բան չի ասում»։

Բլբլոցի՝ Ինքնագիր գրական ակումբի հայտարարած 2018թ. ապրիլ֊մայիսյան հեղափոխության թեմայով գրական մրցույթի ամփոփումն ու Ինքնագրի վերջին՝ 9֊րդ համարի շնորհանդեսը եղավ դեկտեմբերի 6֊ին Երևանի Ակումբ սրճարանում։

Մրցույթին ուղարկված 25 գործերից ընտրված 4֊ին մրցակցության մեջ դնելը՝ 1֊ին և 2-րդ տեղ որոշելը նրանցից յուրաքանչյուրի տարբեր հայացքը մի վազքուղու մեջ էր խցկելու, ուստի ժյուրին, որ Ինքնագրի երկու խմբագիրներն են՝ ես և Վիոլետ Գրիգորյանը, որոշեց նրանց մրցանակային տեղերի մեջ չխցկել, մրցանակի թղթի վրա չնշել տեղեր, իսկ տեղերը արտահատել ծրարների միջի դրամի չափով՝ նախնական խոստման համաձայն։

Մրցանակներ ստացան`

Միսաք Խոստիկյանը «չեբ» մոնոպիեսի, Գևորգ Տեր֊Գաբրիելյանը «Սա եմ ես» պատմվածքի, Համբարձում Համբարձումյան «Պաստառ – պատմվածք. Քայլող մարդը» պատմվածքի, Բյուրակն Իշխանյան «Քաղաքը սիրուն է երբ այնտեղ չես» պատմվածքի համար։

Այս չորս գործերն էլ տպվել են Ինքնագիր 9֊ում, որտեղ նաև հեղափոխության թեմայով 5֊րդ գործն է՝ Մարիամ Մնացականյանի «Ակումբ 27» պատմվածքը, որը չէր մասնակցել մրցույթին, քանի որ Ինքնագիր կայքում հրատրակվել էր մինչ մրցույթը։

Խմբագրականի վերջին տողն է՝ «Ջանալ պահպանել այն բացառիկ տեղը, ուր գրականությունն ինքնիշխան է»։

(Նաև Ինքնագիր 9֊ի մասին հաղորդում Հանրաին ռադիոյով «Վերնատուն. Վիոլետ Գրիգորյան. Վահան Իշխանյան» , և Նարեկ Ալեքսանանի ֆոտոհաղորդումը Հետքում)

Լուսանկարները Ռաֆայել Իշխանյանի

Show Comments Hide Comments

Leave a Reply

Your email address will not be published. Required fields are marked *