Ծնվել է 1980 թվականի մայիսի 19-ին, Երևանում: 1986-1995թթ. սովորել է Երևանի Պարույր Սևակի անվան դպրոցում, 1997 թվականին ավարտել է Երևանի պետական մանկավարժական համալսարանի «Իմաստասեր» քոլեջը 1997-2003թթ. ուսանել է ԵՊՀ իրավաբանական ֆակուլտետում, 2003-2005թթ. ծառայել է ՀՀ Զինված Ուժերում:

2013թ. մասնակցել է «Անտարես» հրատարակչության կազմակերպած «Արձակ-2013» մրցույթին և անցել եզրափակիչ փուլ:

2014թ. հունիսի 26-28-ը մասնակցություն է ունեցել «Հայ գրականության հիմնադրամի» կազմակերպած հայ ժամանակակից արձակագիրների համար նախատեսված վարպետության դասերին:

2017թ. մասնակցել է «Երևանյան գրքի փառատոնին» և արժանացել «Ապագա գրքի հանրայնացմանն աջակցելու համար» տրվող հավաստագրի:

2017թ. լույս է տեսել հեղինակի «Խաբել «Հայռուսգազարդին» վերնագրով պատմվածքների ժողովածուն:

Տպագրվել է «21 պատմվածք», «Երիտասարդ գրողների անթոլոգիա» ժողովածուներում, «Կայարան» տարեգրքում «Գրանիշ» գրական կայքում և ինտերնետային այլ կայքերում: Առաջիկայում տպագրության է նախապատրաստվում պատմվածքներից մեկը «Գարուն» ամսագրում:

Հեղինակ է ավելի քան երկու հարյուր քառասուն պատմվածքների, որոնց կենտրոնում մարդն է ու նրա փոխհարաբերությունները նրան շրջապատող իրականության հետ: