Լուսինը

Փափո՜ւկ բարձին

Ննջում է լուսինը,

Թվում է՝ աշխարհում

Ամեն ինչ քառակուսի՛ է…

Պոեզիա

Ուր գնացի,

Պոեզիա է,

Աշխարհ անցա՝

Պոեզիա՜ է…

Քանզի

Պոեզիայի մեջ

Ուրիշ տեղ չկա

Բացի…

Պոեզիայից:

Միրաժ

Օրը դեղի համ ունի…

Ուռին դեղին ծամ ունի,

Ամե՜ն ինչ, դեղին,

ու դեղին, միրաժ:

Մրջյունի բախտ

Տո՜ւր ինձի, տե՜ր,

Մրջյունի՜… բախտ:

Առանց գրիմի

Սիրտս:

Նե՛գր է

Առանց

Գրիմի…

Հազարամյակը

Աստղանավ է հազարամյակը,

Դարը՝ ինքնաթիռ,

Տարին կանցնի

Ավտոմեքենայի պես…

Լարերը սիրո

Եկավ… ձմե՛ռը,

Պետական պաշտոնյայի պես,

Ու պոզահարեց

Լարե՜րը… սիրո:

Քրիստոնեություն

Լուլաքաբաբի հոտը

Տարածվում է

Քրիստոնեության պես…

Անաստվածությո՜ւն է

Չընդունելը:

Խորոված

Շեղջում է կրակը

Ու հրաշագործում,

Երկար շամփուրը

Շուտ արա… բեր:

Մշմշում է միսը,

Ու երգում է գինի՜ն:

Շուտ արա բե՛ր

Խորովածը:

Տերևները

Մերկանում են ծառերն աշնան…

Չորանում են տերեւները,

Վայր են ընկնում ոսկեղենիկ

Վայրկյանի պես,

Կամ թե մեռնում

ճյուղի՜ց… կախված:

Թիթեռը

Թիթեռն անատամ

Պառավի պես

Կառչում է

Ծաղկին,

Գարո՜ւն է…

Ո՜ւշ է…

Փառաբանենք

Կյանքը:

Էլեգիա

Մայր է մտնում գիշերը,

Ու ղողանջում է առավոտը:

Գառան ճերմա՜կ գանգուրների պես

Աղոթում են ծովում

Ճերմա՜կ

Ամպերը:

Չակերտների մեջ

Բանաստեղծներին…

«Դագաղ»

Պետք չէ:

Արևածաղիկը

Հանգավ արևը…

Հեթանոսի

Կրակի պես:

Գլխահակ ենք

Ծաղի՜կն ու ե՛ս:

Բնություն ես

Սիրված դերասան եմ…

Հայտնի դրամատուրգ:

Իսկ դո՜ւ… իսկ դո՛ւ

Բնություն ես:

Կատուն

Մռռո՜ւմ է

Անվերջ

Կատուն

Ժամացույցի՛ պես:

Վայրկյանը

Ընկնում, քնքուշ

Բազմած թիթեռի

Ծաղկազարդ թեւին,

Օրհնո՜ւմ է… դարձյալ

Ծաղիկ ու ճյուղին:

***

Գարո՜ւնը… ձնծաղիկ է հավաքում

ընծա, ընծա

Այս քարահողից աստվածընծա՛:

Ծաղիկը

Ծաղիկը ծաղկել է նորից,

Ծաղիկը ծնվել է հողից,

Ծաղիկը ճգնել է ցողից,

Ձեռքի՜դ… այս քառատողից:

Հեռագրի պես

Կգա, մի օր սերս

Հեռագրի պես:

Սակայն թող գա

Թեկուզ սայլո՜վ…

Հիմարություն է

Ամեն ինչ հիմարություն է:

Վեպ,

Պոեմ,

Բանաստեղծություն…

Հիմարությո՜ւնն էլ տաղանդ է:

Զեփյուռը

Զեփյուռը ծաղիկներ է հավաքում

Տեսա՜կ, տեսա՜կ,

Հովիվը սրինգ է փչում

Գո՜ւյն առ գո՜ւյն,

Գառները արոտ են անում

Մեկի՜կ, մեկի՜կ,

Իսկ սիրտս քեզ է արարում

Մենա՜կ, մենա՜կ…

Բժիշկը

Ծաղիկները մեղր են շինում:

Իսկ մեղո՜ւն ոսկեթեւ

Զննում է բժշկի պես

Ծաղի՜կ առ… ծաղիկներ:

Լճակ

Նա փռեց անվերջ

Վարսերը կապույտ,

Ու դարձյալ ջահել

Թովիչ ու ծավի:

Լիզեց լուսնահատ

Ավազը կարծես,

Կապույտ աչքերո՜վ…

Հմայեց հավերժ,

Ծովի պես անդուլ:

Նատյուրմորտ

Լույսը արձագանքում է մթության մեջ,

Ու դեղձի պես կիսում գիշերը…

Խաղողի նման կախվել են աստղերը,

Դեղձ ու չամի՛չ է, իմ չքնաղ սերը:

Քթիդ տակ

Ուրիշ այլ սերեր

Քշո՜ւմ եմ փայտով,

Օ՜րս, կիսում հացի պես,

Եվ այս ամե՜նը…

Եվ այս ամե՛նը

Քթիդ տակ:

Կարինե

Խալեր

Ունես

Երեսիդ,

Թոնրի՛

Հացի պես:

Թող մի

«Հալալ»

Համբուրե՜մ…

Հատկություն

Գլխա՛րկը

Տղամարդու

Պատիվն է,

Հատկությունն է…

Տարբե՜ր:

Սերը

Կոճղ է

Սերը,

Կյանքը

Պառավ,

Կարճավի՜զ…

Գարուն

Ու արձագանքում է գարունը,

Ու արծարծում են ճնճղուկները…

Ու առավոտը արծաթից է,

Ու բարեւը՝ ոսկուց:

Տե՛ս, գալիս եմ ես՝

Ադամա՜նդ հագած:

Գիշերվա մեկին

Գիշերվա մեկին

Կանչում եմ մեկին,

Գիշերվա մեկին

Տանջում է մի կին,

Գիշերվա մեկին

Սիրո՜ւմ… եմ մեկին,

Թակում են դուռս

Գիշերվա մեկին,

Ամե՜ն ինչ կարծես

Լցվում է…

Մեկեն:

Սիրտս

Սիրտս, արեգակ,

Արեգակս վանդակում,

Հանդարտ մի ծով

Փոթորիկս հատակում:

Արծիվ

Սարի կատարին

Արծիվ է բազմել,

Թևերի տակ…

Քամի է սանձել:

Քամու պես

Սիրտս

Սրտնեղեց,

Երբ շնկշնկացիր

Ու անցար…

Քամու պես:

Նժույգները

Թամբը փռեց

Գիշերը,

Քունը խմեց

Աչքերս,

Թեւեր առան

Նժույգնե՜րը…

Երազիս:

Երգ իմ

Գարնան նման փերի ես,

Ամռան նման դյուցազուն,

Բանաստեղծ ես աշնան նման

Ձմռան նման դերասան:

Ե՛րգ իմ,

Դու կլո՜ր… տարի ես:

Քո աչքերի մթության մեջ

Քո աչքերի մթության մեջ,

Իմ արեւն է մոլմրվել,

Դո՛ւ, Ժաննա դ՛Արկ…

Ես ճգնավոր դատարկ:

Աստվածային

Աստվածային մի տառ նկարեց հոգիս,

Աստվածային մի բառ նկարեց հոգիս,

Եթե անգամ Աստված ծախվեց…

Սակայն բառը ծառից կախվեց,

Աստվածային մի իրիկուն:

Դու

Դու վայելքներից ես խոսում,

Ես… վերելքներից:

Դու ապրելուց ես խոսում,

Ես… ապրումներից:

Դու սրտի՛ց ես խոսում,

Ես… սրտո՜վ սիրելուց:

Նոյ

Իմ ծառն աշո՜ւն է…

Ջրհեղեղ թող լինի,

Իմ ծառն աշո՜ւն է,

Ո՜ւշ է… Նոյ…

Ապակիները

Արտասվում են… ապակիները,

Անձրեւն է պարում

Պատուհանից դուրս,

Արտասվում են ապակիները,

Պատերի շքե՜րթ,

Պատուհանից ներս:

Արտասվում են ապակիները…

Ինքնամոռա՜ց

Անձրեւ,

Անձրե՜ւ…

Պոլոզ Մուկուչ

Այնտե՜ղ… այդպես է:

Սարերը

Պոլոզ են,

Ծառերը

Պոլոզ,

Մարդիկ

Պոլոզ են,

Մուկուչը՝ պոլո՛զ:

Այնտե՜ղ… այդպես է:

Գիշերվա կեսին

Գիշերվա… կեսին

Շունը բռնե՜լ է

Լուսնի կոկորդից:

Հանգիստ

Ամպերի երկունքից

Ծնվեց անձրև,

Երակների նման բաժանվեց

Հոգնած ասֆալտի վրա:

Նորածնի պես շնչում է օրը,

Հանգի՜ստ…

Ազատ է միտքը

Որոնումների ու տքնության լծից:

Եղեգնական

Ժամանակն ազդվում է մեծերից

Եվ դառնում եղեգնական:

Դալար,

Ինչպես փոքրը,

Եվ մշտադալար

Մեծե՜րն են…

Ինչպե՛ս:

***

Հավը

Ջուր է խմում

Ու շնորհակալություն

Հայտնում

Արարչին…

Մասիսը

Կորավ Մասիսը

Ընկույզի պես:

Կորած ընկույզը

Թանկագի՜ն է…

Պատուհաններիդ լույսը

Պատուհաններիդ լույսը

Խտտո՜ւմ է… կեսգիշերը

Կարճատեսի ակնոցի պես:

Խոկում ենք,

Ես՝ այդտեղ,

Դու՝ այստեղ,

Ճակատագիրը՝ վերեւում:

Սուրբ Էջմիածին

Սե՜ր… միածին…

Մարդ միածին,

(Բանաստեղծ)

Գառ… միածի՜ն,

Սո՛ւրբ, Էջմիածին:

Մարմինս

Աստծո տաճարը

Վերածվեց «թղթի»…

Ու աղավաղվե՜ց

Այսպե՜ս:

Նոր տարին

Տարին անցնում է,

Գալիս է նորը,

Մաշվում է ինչպես,

Մաշվում է շորը,

Հինը մեռնում է,

Ծնվում է նորը,

Ածխանում է…

Կյանքիս մեկ օ՜րը:

Show Comments Hide Comments

Leave a Reply

Your email address will not be published.