(Փոխառություն Բոբ Կաուֆմանի On բանաստեղծության)

Վրե՛ն հերոյինի արցունքի մեջ խեղդված նորակոչիկների կույտերի սաղմնային հույսերի:

Վրե՛ն նորակոչիկների կույտերի Պարկերով ու աղմուկով լեցուն գրպաններով դեպի տիեզերք թռիչքի:

Վրե՛ն զոլավոր ուղեղի նյարդային կույտերի ու հուսալքված էլեկտրո-վիրաբույժների:

Վրե՛ն անմիտ քննարկումների ու պատմական խումհարների ալկոհոլային կույտերի:

Վրե՛ն եգիպտացորենի փաթիլների ու ամպագոռգոռ իմպոտենտ Ամերիկայի հեռուստատեսային կույտերի:

Վրե՛ն կարկատված մտքի ու հունական տառեր վերծանողների համալսարանական կույտերի:

Վրե՛ն մեգաթոնային մահերի ու տիեզերական անեսթեզիայի ռազմական կույտերի:

Վրե՛ն թեոլոգիական երգիծաբանության կրոնական կույտերի ու

Վրե՛ն մի դար ձգվող ձայնագրությունների և ստատիկ իրադարձությունների ռադիո կույտերի:

Վրե՛ն ֆիլտրով պաղպաղակի ու լուծվող լուծվողների գովազդային կույտերի:

Վրե՛ն կոմիքսների գայթակղության, փչացած կիթառների դեռահաս կույտերի,

Վրե՛ն դրածո թեկնածուների ու ծիսական ստերի քաղաքական կույտերի:

Վրե՛ն հոգյակների և այլ սիմվոլների գեղարվեստական ֆիլմերի կույտերի:

Վրե՛ն խոսակցական թերապիայի ու վերլուծված վախերի ինտելեկտուալ կույտերի:

Վրե՛ն սեքսուալ վերնագրերի ու գիտական կոմիքսների օրաթերթային կույտերի:

Վրե՛ն հիմա մեռիր, վճարիր հետո դիահերձարանների սիրով բաժանված կույտերի:

Վրե՛ն իմաստաբանական անհուսության և գաղափարային առևտրականների փիլիսոփայական կույտերի:

Վրե՛ն մասնավոր դպրոցների սեռական հասունացման և անատոմիական ապստամբությունների միջին խավի կույտերի,

Վրե՛ն լքված ամերիկյան բլրակների վրա թողած ուլտրա-իրական սիրո կույտերի,

Վրե՛ն ընկած տերևների ու մարգարեի խոնավ աչքերի միայնակ պոետների կույտերի:

Լուսանկարը հեղինակի, մակագրությունը՝ Էլլա Գանագարիանի