Փոքր ժամանակ երազում էի դերասան դառնալ, հետո ընդունվեցի պետհամալսարանի բանասիրական ու սկսեցի բառերի քննություն հանձնել, նույն ռիթմով շարունակեցի մագիստրատուրան համաշխարհային գրականության ու գրականության տեսության բաժնում։ Ավարտեցի ու սկսեցի աշխատել Լրատվական ռադիոյում, հաղորդավարություն էի անում, տեքստեր կարդում, հարցազրույցներ և այլն։ Լավ մշակութային լրագրող դառնալու ցանկությունը ինձ տարավ Ժամանակակից արվեստի ինստիտուտ, որն էլ ինձնից խլեց էդ ցանկությունը, ձևափոխեց ու տվեց մեծ սեր խորհրդային արվեստի, արվեստաբանության ու փիլիսոփայության հանդեպ։