Ծնած է 10 Ապրիլ 1989-ին Քարթալ: 2007-ին աւարտած է Չըրաղանի երկրորդական դպրոցը: Այտըն Համալսարանի Տնտեսական եւ Վարչական Գիտութիւններու բաժնէն շրջանաւարտ ըլլալէ ետք 2012-ին Լեհաստանի մէջ յաճախած է «Wroclaw School of Banking», ուրկէ անցած է Աւստրիոյ Ալփէն Ատրիա Համալսարանը: Բանաստեղծութիւնները եւ գրական գործերը հրատարակուած են զանազան պարբերականներու եւ տարեգիրքերու մէջ: Թարգմանուած է բազմաթիւ լեզուներու: Մասնակցած է ասմունքի միջոցառումներու եւ գիտաժողովներու: 2013-ին հրատարակուած է «Մեռած Նուագածուներու Երկիրը» բանաստեղծութիւններու գիրքը: