Կարեն Ղարսլյանը բանաստեղծ, վիպասան, թարգմանիչ, երաժիշտ և տեսողական արվեստագետ է: Նրա վերջին գիրքն է «Գրողի ծոցը» տձև հայրենների ժողովածուն («Ինքնագիր», 2010): «X կադր/վայրկյան» մինիմալիստական վեպն ու այլ երկեր պարունակող ժողովածուն նրա անդրանիկ գիրքն է («Բնագիր», 2003), որի համար ՀՀ հանրային հեռուստաընկերության կողմից 2003 թ. հայտարարվել է տարվա սկանդալային գրող: Արժանացել է 2004 թ. «Երիստասարդ արվեստագետի մրցանակին» իր «Password» անտիպ անավարտ վեպի համար: Նրա գրական ստեղծագործությունները հրատարակվել են տարբեր երկրների պարբերականներում և անթոլոգիաներում, թարգմանվել անգլերեն, ֆրանսերեն, ռուսերեն, իսպաներեն, սերբերեն և վրացերեն: 2014 թ. «Մեկ կադր» փառատոնի շրջանակներում տեղի է ունեցել նրա «ՍՍՀՄ անդամահատումը» (2013) կարճամետրաժ փորձարարական ֆիլմի պրեմիերան: «Լորենս Ստեռնի «Տրիստրամ Շենդի»-ն և Ջեյմս Ջոյսի «Ֆինեգանի հոգեհացը» ատենախոսության համար» 2004 թ. ստացել է բանասիրական գիտությունների թեկնածուի աստիճան: Մանրամասները` www.karenkarslyan.com: