Իմ կենսագրությունից արդեն ես էլ գլուխ չեմ հանում: Ծնվել եմ Մոսկվայում, մեծացել Երևանում, մի քիչ էլ Պրահայում: Մասնագիտությամբ բժիշկ եմ, հոգեբույժ, մեկ էլ կլինիկական լեզվաբան, բայց փող աշխատելու համար թարգմանություններ եմ արել, զանազան մանր-մունր լրագրողական ու այլ «ոչ մասնագիտական» գործեր: Ապրել եմ զանազան եվրոպական քաղաքներում, իսկ հիմա Կոպենհագենում մարդու ուղեղն եմ ուսումնասիրում, երեկոներն էլ պատմվածքներ եմ գրում: Հույս ունեմ՝ 2015-ի վերջին տասներկու ավարտուն պատմվածք կունենամ: Չգիտեմ՝ Դանիայում կմնամ, թե չէ, ու չգիտեմ՝ դիսերտացիաս պաշտպանելուց հետո ինչով կզբաղվեմ: Մենակ մի բան հաստատ գիտեմ. Հայաստանում էլ չեմ ապրելու: